Күп бала – зур бәхет

(Тәтеш, 30 гыйнвар, “Тәтеш таңнары”, Юлия Калинина, Наталья Борисова фотосы). Ир белән хатын унике ел элек танышкан. Иван – Алекина Полянада туып-үскән, Ирина – Жуковода. 

“Ул миңа баштан ук ошады”, – ди гаилә башлыгы. Ирина да беренче күргәчтен үк күңеленә хуш килүен яшерми. Ир-егет Киров өлкәсендә эшләгәнлектән, ике ел телефон аша аралашып торганнар, ә аннары егет кызга кияүгә чыгарга тәкъдим ясый. Ул ризалаша. Шул вакыттан алып ун ел узган да киткән. 

Беренче вакытларда Алекина Полянада яшәгәннәр, ә икенче балалары туганнан соң, ана капиталына Жуковода йорт сатып алганнар. Иван бүгенге көндә “Колос” авыл хуҗалыгы предприя­тиесендә эшли, Ирина – Алекина Полянада фельдшер, һәм дүшәмбедән алып җомгага кадәр әлеге авылда яши. Кызларын кайгыр­ту нигездә әтиләре җилкәсенә төшә. Әбиләре күп эшләрдә ярдәм итә, чөнки Чумаковларның әле йорт хуҗалыгы да бар.

Ирина эшкә китәр алдыннан өйдәгеләренә ике көнгә җитәрлек ризыклар әзерләп калдыра, ә инде алар беткәч, гаилә башлыгы үзе эшкә алына. “Мин үзем дә пешерә беләм”, – ди ул горурлык белән. 

Чумаковларның олы кызлары Ульянага ун яшь, уртанчысы Василинага – сигез, кечесе Златага – җиде. “Кызларның һәркайсының холкы төрлечә, Василина хакимлек итәргә яратучан, ул безнең үткен, беркемне кимсетергә юл куймый”, – диләр әти-әнисе елмаеп. 
Ир белән хатын ир бала да кирәк инде, дигән сүзләрне ишеткәләп тора, әлбәттә. Без дә аларга шул хакта әйттек. 

Чумаковлар моңа карата болай дип җавап бирде: “Әле иртәрәк, киләчәктә барысын да көтәргә ­мөмкин”.