Район аграрийлары чәчүгә йөз процент әзерлекле булуга юнәлдерелгән

(Тәтеш, 21 гыйнвар, “Тәтеш таңнары”, Николай Плотников, фото автора). Бөртекле һәм бөртекле-кузаклы культураларны чәчүнең фаразланган мәйданы 2021 елда 44,5 мең гектар тәшкил итә. 

Районның авыл хуҗа­лыгы һәм азык-төлек идарәсе начальнигы Ирек Садриев мәгълүматлары буенча, быелгы ел уңышы­на яхшы һәм мул башлангыч буларак минераль ашламалар кертеп 19 160 гектар көзге игеннәр, шул исәптән 19 040 гектар көзге бодай чәчелгән. Туфракны төп эшкәртү 56 мең гектар мәйданда уздырылган, шул исәптән 31 меңнән артык гектар җир тирән сөрү белән эшкәртелгән. “Үсемлекчеләр культуралы үсемлек орлыкларына зур игътибар бүлеп бирә. Сабан ашлыгы культуралары орлыгы, запас фондны кертеп, куллануга тулысынча күләмдә салып куелган һәм тикшерелгән. ТР Авыл хуҗалыгы һәм азык-төлек министрлыгы тарафыннан 2021 елда үзенчәлекле элиталы орлыкларны чәчүне кимендә 38 процентка җиткерү бурычы куела”, – дип билгеләп үтте Ирек Әдип улы.  
Тәтеш аграрийларының игенчелек ­культурасы – югары дәрәҗәдә. 2825 гектар мәйдандагы ачы туфракны тиз агротех­ник вакытларда известь­лаштыру ниятләнә. Рай­онның авыл хуҗалыгы предприятиеләре иген­челектә интенсив төп ысулларның берсе – минераль ашламалар кертү­не оста итеп файдалана, тәтешлеләр әле­ге күр­сәткеч буенча респуб­ли­­када иң яхшылар исә­бендә. “2021 уңышына чәчү җир­ләренең 1 гектарына 120 килограмм тәэсир итүчән матдә исәбендә минераль ашлама сатып алу ниятләнә: шуның 110 килограммы үз акчалары хисабына һәм 10 килограммы – дәүләт ярдәме ­хисабына.
Агым­­­дагы елда аграрийлар алдына азык-төлек бо­­­даен гомуми җи­тештерү күләменнән 90 процентка кадәр арттыру бурычы куелды”, – диде Ирек ­Садриев.

Хуҗалык җитәкчеләре авыл хуҗалыгы произ­­во­дствосында югары күр­сәт­кечләргә техник як­тан яңартып җиһазлан­дырудан башка ирешеп булмавын аңлыйлар. Рай­онның игеннәрне урып-җыю комбайны паркында 90 техника исәпләнә, шуның яртысы соңгы 5 елда сатып алынган. 1 ашлык җыю комбайнының эш күләме 544 гектар тәшкил итә.
“Районның авыл хуҗа­лыгы предприя­тиеләрендә хәзерге вакытта авыл ху­җалыгы техникаларын ре­монтлау тәмамланып килә, тешле тырмаларны, тоташ эшкәртү өчен культиваторларны ремонт­лау төгәлләнде, чәчү комп­лекс­­лары – 86 проценттан артык, чәчкечләр – 96 процент, тракторлар 87 процент ремонтланды”, – дип хәбәр итә районның авыл хуҗалыгы һәм азык-төлек идарәсе начальнигы. 

Аграрийларның бүгенге көндәге тулы күләмле хезмәте алда торган чәчүгә тулысынча әзерлекле булу максаты белән алып барыла, аны оптималь агротехник вакытта һәм яхшы сыйфатлы итеп үткәрергә кирәк. 

Район агросәнәгате саннарда һәм фактларда

Районда 14 авыл хуҗалыгы предприятиесе, 35 крестьян фермерлык хуҗалыгы бар.

Җәмәгать секторында 906 кеше хезмәт куя, алар район һәм республика кешеләре өчен авыл хуҗалыгы продукцияләрен җитештерүне һәм сатуны тәэмин итәләр. 

Бер хезмәткәрнең айлык уртача хезмәт хакы – 28 700 сум.

2020 елда үсемлекчелектә җитештерелгән про­дукцияләрнең күләме тәшкил итә:
– ашлык – гектардан 46,5 центнер уңдырышлылык белән 206,5 мең тонна (бу ТР буенча икенче нәтиҗә);
– шикәр чөгендере – гектардан 495 центнер уң­дырышлылык белән 286 мең тонна (уңдырышлылык буенча ТРда иң яхшы нәтиҗә).

Тәтеш районы авыл хуҗалыгы һәм азык-төлек идарәсе мәгълүматлары буенча