Районның авыл хуҗалыгы уңышы – бу һәр аграрийның уңышы

(Тәтеш, 24 март, «Тәтеш таңнары», Инна Сафиева, автор фотосы). Авыл хуҗалыгы тармагы эшчәннәре – Тәтеш районы горурлыгы, чөнки безнең икътисади үсешнең төп нигезе булып агросәнәгать комплексы тора. 

Тәтештә авыл хуҗалыгы тармагы эшчәннәрен тантаналы хөрмәтләделәр.

“Барс” спорт комплексының бәйрәмчә бизәлгән залында районның аграрийлары – чын һөнәр осталары, үз эшләренә, туган җирләренә гашыйк кешеләр җыелды.
Бәйрәмне Тәтеш районы башлыгы Рәмис Сафиуллов ачты.

– Район аграрийлары авыл хуҗалыгы елының барлык бурычларын уңышлы үтәделәр. Сезнең хезмәтегез Татарстанда югары бәяләнде: безнең район рес­публика агросәнәгать комплексы лидерларының берсе дип танылды, – диде Рәмис Хатыйп улы һәм авыл хуҗалыгы эшчәннәренә – авыр хезмәтләре өчен, ветераннарга бәяләп бетергесез тәҗрибә өчен рәхмәт белдерде.

Тантананың мәртәбәле кунак­лары район игенчеләрен һәм терлекче­ләрен авыл хуҗалыгы елының уңышлы тәмамлануы белән котладылар.

– Соңгы берничә елда Тәтеш районында авыл хуҗалыгы продукциясен җитеш­терү һәм сату 4 тапкырга артты, мондый  күрсәткечләр республиканың бер генә районында да юк. Сез бу күрсәткечләргә Рәмис Хатый­пович җитәкчелегендәге көч­ле команданың зур ­хез­мә­те, хуҗалыклар базасын мо­дер­низацияләү, заманча тех­нологияләр куллану нәти­җә­сендә ирештегез, – диде “ТР муниципаль берәмлекләр Советы” Ассоциациясе рәисе Әгъзам Гобәйдуллин.

– Сез үз көчегезне, күңе­легезне яраткан эшегезгә бирәсез. Сез шундый яхшы нәтиҗәләргә һәрберегезнең җаваплы хез­мәте нәтиҗәсендә ирештегез, – дип мөрәҗәгать итте җыелучыларга Татарстанның авыл хуҗалыгы һәм азык-төлек министры урынбасары Ришат Хәбипов һәм ТР Премьер-министры урынбасары – ТР авыл хуҗалыгы һәм азык төлек минис­тры Марат Җәббаров исеменнән һәм шәхсән үзеннән тәтешлеләрне яхшы уңыш, Татарстанда агросәнә­гать комплексында иң яхшы эш күрсәткечләре белән  котлады. 
Тәтеш районында авыл ху­җалыгы һәм азык-төлек ида­рәсе начальнигы Ирек Садриев аграрийларга эшләре өчен рәхмәт белдерде, сәламәтлек, иминлек, мул уңыш теләде, 2021 елда төп бурыч – районда сөт терлекчелеген нәтиҗәле үстерү, дип билгеләп үтте.
Район аграрчылары өчен бу көнне музыка, үзешчән сәнгатьтә катнашучыларның моңлы җыр­лары яңгырады, аларга авыр хезмәтләре өчен иң җылы рәхмәт сүзләре әйтелде.
Тантаналы бүләкләү бәй­рәмнең кульминациясе булды. 

Районның авыл хуҗалы­гы һәм азык-төлек идарәсе бүле­ге начальнигы Кудряшов ­Николай Степановичка Россия ­Федерациясе Авыл хуҗалы­гы министрлыгының Рәхмәте ­белдерелде.
“Содружество” авыл хуҗа­лыгы предприятиесенең бү­лек идарәчесе Пигилов Геннадий Николаевичка ТР Министрлар Ка­бинетының Рәхмәте ­белдерелде.

“ТР муниципаль берәмлекләр Советы” Ассоциациясе рәисенең Рәхмәт хаты белән “Маяк” авыл хуҗалыгы предприятиесе директоры урынбасары Ахтонов Алексей Алексеевич; “Агросоюз” авыл хуҗалыгы предприятиесе агрономы Сумбаев Анатолий Тихонович бүләкләнде.

ТР Авыл хуҗалыгы һәм азык-төлек министрлыгының Мактау грамотасы белән бүләк­ләнделәр: Гыйз­зәтуллина Ха­лидә Корбан кызы, ­“Новая Заря” авыл хуҗалыгы пред­приятиесе­нең машина бе­лән сыер саву ­операторы; Фәт­куллин Ил­дар Шамил улы, ­“Татарстан” ­аг­ро­фирмасының ­диспетчер-учетчигы.

ТР Авыл хуҗалыгы һәм азык-төлек министрлыгының Рәхмәт хаты белән “Нур” агрофир­ма­сының машина белән сыер саву операторы Бәдрет­динова Резидә Илзар кызы; “Содружество” авыл хуҗалыгы предприятиесе механизаторы Захаров Сергей Евгеньевич; “Бакырчы” авыл хуҗалыгы предприятиесе слесаре Йосыпов Фаяз Фәтхелислам улы бүләкләнде.

Авыл хуҗалыгы производ­ство­сын нәтиҗәле алып барулары һәм югары күрсәт­кечләре өчен Тәтеш районы башлыгының Рәхмәте  белән районның авыл хуҗалыгы предприятиеләре җитәкчеләре һәм җитәкчеләре урынбасарлары бүләкләнде: Абрамов Виктор Ильич (“Авангард”); Мәүлиханов Ранис Фәрит улы (“Колос”); Нургалиев ­Радик Галимҗан улы (“Нур”); Сабиров Рөстәм Хәбибрахман улы ­(“Содружество”); Халитов Айрат Рәис улы (“Татарстан”).

“Иң яхшы комбайнчы” рес­пуб­лика конкурсында 10 якташыбыз: Илнур Сәйфуллин (“Нур” агрофирмасы), Валерий Матвеев, Альберт Шәйдуллин, Алексей Борисов (“Колос” агрофирмасы), Сергей Ивлев, Сергей Филатов, Павел Кавин, Евгений Маврин, Николай Алешин (“Содружество” авыл хуҗалыгы предприятиесе), Фәрит Сәйфетдинов (“Маяк” авыл хуҗалыгы предприятиесе) Президент премиясенә лаек булды.
Безнең районның авыл хуҗалыгы тармагында лаеклы хезмәт куючы гаилә династияләре:
– Ивлевлар династиясе ­(“Содружество”);
– Гыйльметдиновлар, Җама­летдиновлар, Мөхәм­әтуллиннар династияләре (“Новая Заря”);
– Якатовлар династиясе ­(“Татарстан”);
– Морозкиннар династиясе (“Нива”);
– Ахтоновлар, Никитиннар, Шумилкиннар династияләре (“Маяк”);
– Галиәкбәровлар династиясе (“Бакырчы”);
– Левштановлар династиясе (“Авангард”);
– Матвеевлар, Шәйдуллиннар, Борисовлар, Деньговлар, Батраковлар династияләре (“Колос”);
– Фәткулловлар, Смеловлар, Платоновлар династияләре (“Р. Г. Сафиуллова” КФХ);
– Вәлиевлар, Кәбировлар, Нургалиевлар, Сәйфуллиннар, Шәй­хет­диновлар династияләре (“Нур”).
Тәтеш муниципаль районы авыл хуҗалыгы һәм азык-төлек идарәсе мәгълүматлары буенча.

рәсемдә: Рәмис Сафиуллов, Әгъзам Гобәйдуллин, Ришат Хәбипов “Нур”
агрофирмасының машина белән сыер саву операторы Резидә
Бәдретдинованы бүләклиләр.