Авыл зур гаиләләр белән нык

(Тәтеш, 10 июнь, "Тәтеш таңнары").  Авылның мәдәният йорты директоры Раиса Никитина уртак­лашканча, бу зур шатлык, чөнки авыл балалар булганда җанлана.

“Безнең иң зур Комсомол урамында түбәнтарханлыларның берьюлы өч буыны гомер кичерә, аларның өченчесе булып кечкенә Тимофей туды да инде, – дип сөйли Раиса Васильевна. – Нәсел башлыгы Юлия Николаевна Ананьева 80не узды, ул гомер буе колхозда эшләде, ире танылган комбайнчы иде”. 

Леонтьевлар гаиләсе – нәсел шәҗәрәсенең киләсе “тармагы”. Зинаида туган авылында 30 елдан күбрәк шәфкать туташы булып хезмәт куйган, авылдашлары белдерүенчә, аның холкы алтын, ире колхозда токарь булган.

Уллары Денис Килдештә туып-үскән кызга өйләнгән һәм Надежданы әти-әнисе йортына алып кайткан. Озакламый яшь гаиләдә кызлары Ульяна якты дөньяга туган, ә хәзер инде уллары Тимофей. Денис уртак­лашканча, алар тату яши: ата-аналарының һәр киңәшләрен тыңлап, барысын да бергәләп эшлиләр, ә әби белән бабай онык­ларына сөенеп туя ­алмыйлар.

Дөрес, эшкә башка өлкәгә йөрергә туры килә икән,  шулай да яшьләр барысына да өлгерә – уңайлы булсын өчен торак шартларын да яхшырталар, мал-туар, кош-кортны да карап-ашатып торалар. Авыл кешеләре күршеләренә ярдәм итүдән баш тартмый икән. Мисалга, күршеләре, 80 яшен узган Вера Фоминаны “шефлыкка” алганнар – бәрәңгесен утырталар, эшкәртәләр, йорт янындагы үләннәрен чабалар, коймасын төзекләндерәләр.

“Авыл шундый гаиләләр белән нык, бездә яшьләр күбрәк булсын иде, димәк, балалар да була дигән сүз”, – дигән теләген җиткерде Бессоново җирлеге җитәкчесе Юрий Врясов.