Айлык акчалата түләүне ничек алырга?

(Тәтеш, 12 сентябрь, Тәтеш таңнары). 

Айлык акчалата түләү аерым төр гражданнарга бирелә. Алар – Бөек Ватан сугышы, хәрби хәрәкәтләрдә катнашучы ветераннар, сәламәтлекләре буенча мөмкинлекләре чикле кешеләр, шул исәптән физик мөмкинлекләре чикле балалар, балигълык яшенә җитмәгән килеш фашистлар тоткынында булучылар, нурланыш йогынтысында зыян күрүчеләр. Бер тапкыр бирелә торган акча алу хокукына ия гражданнарның тулы исемлеге белән РПФ сайтының “Социаль түләүләр” бүлегендә танышырга мөмкин.

Бер тапкыр бирелә торган акчаны билгеләү өчен гариза бирергә кирәк. Аны РПФ сайтында һәм дәүләт хезмәтләре порталында, шулай ук РПФның теләсә кайсы территориаль органында яки КФҮ аша бирергә мөмкин. 

2020 елның 28 июленнән (Россиянең Хезмәт һәм социаль яклау министрлыгының 327н номерлы боерыгы үз көченә кергән көннән) түләү билгеләү өчен гариза бирү вазифасыннан азат ителгән гражданнарга, инвалид, инвалид балалар дип танылган гражданнарга, алар “Инвалидларның федераль реестры” Федераль дәүләт мәгълүмат системасыннан (ФГИС ФРИ) инвалид дип танылган гражданны таныклау актыннан өземтә нигезендә, инвалид яки инвалид бала дип танылган көннән соң, гражданинның тикшерелгән актыннан чыгып ясалган язма нигезендә гаризасыз билгеләнә. Инвалидлыкны билгеләү яки раслау буенча 2021 елның 1 октябрендә гамәлдә булган вакытлы тәртип (РФ Хөкүмәте карары, № 155, 11.02.2021 ел) нигезендә, гражданнарга инвалидлык буенча пенсия­не һәм айлык акчалата түләүне озайту өчен пенсия фондына бару таләп ителми.

Федераль законнар нигезендә, акчалата ташламалар һәм социаль ярдәм чаралары алуга хокуклы гражданнар 1 октябрьгә кадәр КФҮ, пенсия фондының территориаль органнарына алдан язылу буенча яки РПФ сайтында шәхси кабинет аша тиешле гариза бирә һәм социаль пакет алу хокукын үзенә кире кайтара ала. Бирелгән гариза киләсе елның 1 гыйнварыннан гамәлгә керәчәк. Айлык акчалата түләүгә индексация елга бер тапкыр 1 февральдән ясала.

– Исегезгә төшерәбез, социаль хезмәтләр җыелмасы:  рецептлар буенча медицина куллануы өчен дару препаратларын, рецептлар буенча медицина әйберләрен, инвалид балаларга дәваланулы тукланыр өчен махсус азык-төлекләрне (933,25 сум); авыруларны профилактикалау өчен санаторий-курортта дәвалануга юлламаны (144,37 сум); шәһәр яны тимер юл  транспортында, шулай ук дәвалану урынына бару һәм кайту өчен шәһәрара транспортта түләүсез йөрүне (134,04 сум) үз эченә ала, – диләр РПФның Тәтеш районындагы ­клиентлар хезмәте белгечләре.