“Башаккай”да искиткеч хезмәткәрләр эшли

(Тәтеш, 21 гыйнвар, “Тәтеш таңнары”, Татьяна Кузнецова). “Башаккай”да экологик тәрбия – өстенлек­ле юнәлешләрнең берсе. 

Егерме биш урынга исәп­ләнгән “Башаккай” яс­­­­ле-бакча 1974 елның 30 ав­густында ачылган. Төр­ле яшьтәге балалар бер төркемгә йөргән, бина мич белән җылытылган, суны коедан ташыганнар, ризыкны учхоз ашханәсендә пешергәннәр. Сабыйлар раскладушкаларда йоклаганнар, аларны төркемнәрдә дә, коридорда да рәт белән тезеп куйганнар. Вакытлар узу белән, әлбәттә, кис­кен рәвештә яңа бина төзү турындагы мәсьәлә килеп баскан, һәм 2014 елның 12 сентябрендә сабыйлар беренче тапкыр ике катлы балалар бакчасына аяк ­баскан. 

“Бездә тугыз педагог эш­ли. Зур хезмәт стажлы тәҗрибәле тәрбиячеләр Наталья Тимофеева, Мөс­лимә Хөсәенова, Елена Левинаны билгеләп үтәсе килә. Яшь хезмәттәшләре дә алардан калышмыйлар”, – дип сөйли балалар бакчасы мөдире Ольга Похлебкина.

“Башаккай” педагоглары ел саен һөнәри бәй­геләрдә, зона семинарларында, ки­ңәшмәләрдә катнашалар, республика күләмендә югары нә­тиҗәләргә ирешәләр. Олим­­пиадаларда, иҗади конкурсларда җиңгән сабыйлар да балалар бак­часының горурлыгы ­булып тора.
Мәктәпкәчә яшьтә­ге­ләргә экологик тәрбия бирү “Башаккай”ның эшендә соңгы вакытларда ө­с­тен­­лекле юнәлешләрнең бер­сенә әйләнгән. Педагог­лар һәм балалар көче белән видеохостингта “ЭКОлосок ТВ” экология каналы булдырылган. Сабыйлар һәм пе­дагоглар замананың экология кебек, ­шундый мөһим проблемага нинди мөнә­сәбәттә булулары хакында сөйлиләр һәм афәтне туктату өчен нәрсәләр эшләргә мөмкин булуын күрсәтәләр.
“Эко-мәктәп/Яшел әләм” халыкара программасында без икенче ел катнашабыз. Безнең балалар бакчасы ТР Экология һәм табигый ресурслар министр­лыгы Дипломы белән билгеләп үтелде, “Экояз-2019” бәйге­сендә районда беренче урынны алды. Без 2019 елда “Балалар бакчасында иң яхшы һөнәри юнәлеш проекты” респуб­лика бәй­гесендә җиңдек. “Кү­ңелле каблучок” хореог­рафия кол­лективының да җи­ңүләр саны ел саен артып тора”, – дип уртаклаша уңышлары белән Ольга ­Сергеевна.  

Коронавирус пандемиясе белән бәйле балалар бакчасының да тормышы үзгәреш кичергән, әлбәттә: хезмәткәрләр тарафыннан профилактика һәм инфекцияләрне кисәтү буенча барлык чараларны үтәү мәҗбүри булып тора. Биналар җилләтелә, дезинфекцияләнә (рециркуляторлар һәм кварцлы лампалар кабызыла), йогышсызландырыла торган эремәләр белән эшкәртелә. Тәрбиячеләр “Иминлек минутында” сабыйлар белән “Кулларны нигә еш юып торырга кирәк”, “Үзеңнең йогышлы авырулардан ничек сакларга” һәм башка темалар буенча сөйләшүләр алып баралар.

Тәрбия барышында ата-аналарның да мөнәсәбәте хакында әйтмичә калдырырга ярамый: алар моңарда тулысынча катнашучылар булып торалар. Алар актив, иҗади, үз сабыйларына һәрвакытта яр­дәм итәргә тырышучы, тәрбиячеләрнең ки­ңәш­ләрен тыңлаучы ке­шеләр.

рәсемдә: Тәрбияче Ләйсән Каюмова балалар бакчасы сабыйлары белән рәсем дәресе алып бара./
ФОТО: “БАШАККАЙ” БАЛАЛАР БАКЧАСЫ