Тетюшские зори
  • Рус Тат
  • “Безнең теләк – нинди дә булса файдалы эшләр башкару”

    25 гыйнвар – Россия студентлары көне (Татьяна көне).

    (Тәтеш, 25 гыйнвар, “Тәтеш таңнары”). 

    Студент тормышы – гомернең иң матур һәм күңелле вакыты. Бу уку гына түгел, кешеләр белән танышу, дуслар табу да. Студентлар 
    советы инициативалы, сәләтле һәм җаваплы студентларның үзенчәлекле көч-куәт чыганагы булып тора.  

    – Безнең авыл хуҗалыгы техникумында студентлар үзидарәсе актив студентлар төркеменнән тора, алар яңалыкны өйрәнер­гә һәм танып белергә, алган белемнәрен һәм ­кү­некмәләрен җәмәгать тор­­мышында кулланырга һәрвакыт әзерләр. Никита Шадрин, Александр Лихоманов, Адель Павлушин активлык һәм иҗади сәләтләрен күрсәтеп, республика фестивальләрендә һәм форумнарында бер­ничә тапкыр катнашты­лар, – ди директор урынбасары Валентина Коз­лова студентлар турында. – Яшьләр анда проект эшчәнлегенә зур кызыксыну күрсәтеп, безнең уку йортын лаеклы тәкъдим иттеләр. Тренинг­лар барышында эшлән­гән күнекмәләрне яшьләр төрле чаралар оештырганда кулланалар. “ТАХТ миссы” конкурсы яхшы итеп әзерләнелде һәм үткәрелде.

    “Студентлар язы” фес­тивалендә тамашачыларда зур кызыксыну уяткан жанр буенча төрле иҗади номерлар тәкъдим ителде. Активистлар тарафыннан оештырылган чираттагы чара – ачык һавада чыршы янындагы Яңа ел тамашасы югары дәрәҗәдә узды. Яшьләрнең заманча фикерләве, аларга яңа ел әкиятен сәхнәләштерүдә, бәйрәм кәефе булдыруда ярдәм итте. Студентлар волонтерлык эшеннән, уку йорты тормышында актив катнашудан ләззәт алалар. 

    – Безнең теләк – үзе­безнең техникум өчен нин­ди дә булса файдалы эшләр башкару. Чаралар оештыру, студентларда килеп туган проблемаларны хәл итү, барлык вакыйгалардан хәбәрдар булу һәм төрле чаралар оештыруда үзебезнең дә катнашу. Без оештыру эшендә тәҗрибә һәм техникумның күңелле, мавыктыргыч тормышыннан онытылмас тәэ­сирләр алабыз! – ди Никита ­Шадрин.

    фотоны Никита ­Шадрин тәкъдим итте

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: