Быел "Безнең ишегалды" программасы буенча меңнән күбрәк ишегалды төзекләндерү ниятләнә

(Тәтеш, 7 июль, "Тәтеш таңнары"). "Безнең ишегалды" республика программасы буенча эшләр Татарстанның дүрт йөздән артык ишегалдында башланды, дип хәбәр иткән оештыручылар "Татар-информ"га.

Татарстандагы ишегалларында төзелеш эшләре бара", - диелә хәбәрдә.

Быел программа буенча 1080 ишегалды төзекләндерү ниятләнгән. Алар "Төзекләндерү картасы"на төшереләчәк. Татарстанның утыз өч районында эшләр бара.
Татарстан Республикасы Президенты Рөстәм Миңнеханов тарафыннан оештырылган "Безнең ишегалды" программасын гамәлгә ашыру вакыты өч елдан биш елга кадәр озайтылды. Программага юллар,  тротуарлар ясау, эскәмияләр, урналар урнаштыру, балаларга уен комплекслары ясау, каты көнкүреш калдыклары өчен мәйданчыклар булдыру керә.

Казанлылар кичә "Безнең ишегалды" программасы буенча төзекләндерелгән ишегалды буйлап Рөстәм Миңнеханов өчен экскурсия үткәрде. Ишегалдына куаклар, яшь агач үсентеләре утыртылган, газоннар җәйгәннәр.