Гәҗит-укучы: Галиябану Җәләлиева, Келәш

(Тәтеш, 22 ноябрь, "Тәтеш таңнары). Галиябану Җәләлиева, Келәш: 
“Тәтеш таңнары” безнең буын өчен бик якын гәҗит инде ул. Анда иҗат җимешләребез дә, язмаларыбыз да күп басылып чык­ты. Ташламалы абунә көннәре барганда язылып калыйм әле дип почта бүлегенә килдем. Районыбыздагы, җирлекләрдәге матур хәбәрләрне даими яктыртып торасыз, рәхмәт. Алдагы гомерләрегездә дә гәҗитне, күңелле хәбәрләрне шулай матур итеп чыгарып торыгыз, яхшы, хәерле яңалыклар гына булсын. Ил-көннәребез тыныч булсын, бергә булып, дус булып, авылларыбыз күтәрелсен, яшьләргә эш булсын иде. Бергә, бердәм булып, дус-тату яшәргә насыйп итсен, матур гына яшик барыбыз да”.