Көн тәртибендә – хокук бозуларны профилак­тикалау

(Тәтеш, 3 июнь, "Тәтеш таңнары"). Район башлыгы Рәмис ­Сафиуллов катнашында узган хокук бозуларны профилактикалау буенча ведомствоара координация комиссиясе утырышында урам җинаятен профилактикалау, башкарылган җинаятьләрнең санын киметү юнә­лешендәге мәсьәләләр төп тема ­бул­ды. Киңәшмәдә катна­шучы­лар иректән мәхрүм итү урыннарыннан кайткан, шулай ук шартлы рәвештә хөкем ителгән затлар бе­лән профилактик эш барышы хакында сөйләштеләр. 

“Райондагы барлык­ хез­мәтләр элек хөкем ите­лүчеләргә җайлашу өчен шартлар булдыруга игътибарлы булырга тиеш. Аларның киләчәк язмышы өчен без шулай ук җаваплы. Аларга ярдәм итәргә, хезмәткә урнашуда булышырга кирәк”, – диде Рәмис ­Хатыйп улы. Җаваплы хезмәтләр вә­килләре Тәтештә коткару постлары булдыру турында җиткерделәр. Барлык мәсьәләләр кон­трольгә алынды.