Коррупциягә каршы көрәш эшен координацияләү буенча киңәшмә узды

(Тәтеш, 28 июль, "Тәтеш таннары"). 

Утырыш барышында үз эш­чәнлекләрендә коррупциягә каршы торуга юнәлдерелгән эшләрне оештыру идарәләре җитәкчеләре тыңланды.
– Коррупция – җәмгыять һәм дәүләт мән­фәгатьләренә турыдан-туры кагыла торган иң куркыныч социаль күренешләр­нең берсе, – дип ассызыклады Рәмис Хатыйп улы үз чыгышында. Район башлыгы районның тормыш-көн­күрешен тәэмин итүче барлык хезмәтләрнең законда билгеләнгән бурычларны, тыю­ларны һәм чикләүләрне тайпылышсыз үтәүләренә игътибар итте.
Район башлыгы ки­ңәш­чесе Ленар Невметов ТР Президентының Кор­руп­циягә каршы сәясәт мәсьәләләре идарәсе тарафыннан әзер­ләнгән күзәтүгә аңлатма бирде һәм коррупциягә каршы законнарның төп ни­гезләмәләрен, шулай ук мән­фәгатьләр каршылыгын булдырмау һәм җайга са­лу тәртибен искә төшерде.
Шулай ук утырышта җир ки­шәрлекләре белән эш иткәндә коррупциягә каршы тору турындагы закон таләпләрен үтәү турындагы мәсьәләләр дә каралды.­
Районның мөлкәт һәм җир мөнәсәбәтләре палатасы рәисе Мария Храменкова үз чыгышында гражданлык әйләнешенә нәтиҗәле кулланылмый торган мөлкәтне җәлеп итү һәм авария хә­лендәге күчемсез милекне юкка чыгару буенча башкарылган эшләргә басым ясады.
Тәтеш ҮРХ оешмаларында үткәрелә торган коррупциягә каршы сәясәт принциплары турында районның баш табибы Ринат Салаватуллин сөйләде. Төп принцип – коррупция җинаятьләре өчен кире кайтарылмый торган җаваплылык. Закон бозучыларга юридик җаваплылык чараларын кулланганда аларның вазифаи хәле, эш стажы һәм җинаять кылу шартлары зур әһәмияткә ия түгел.
Район башкарма коми­те­тының мәгариф бүлеге начальнигы урынбасары Инна Лазарева районның муниципаль мәгариф учреждениеләрендә коррупцион хокук бозуларны профилактикалау эшен оештыру, үткәрелә торган чаралар һәм яшь буында актив тормыш позициясе формалаштыру турында чыгыш ясады.
Ахырда район башлыгы Рәмис Сафиуллов кор­рупциягә каршы тору һәм мәнфәгатьләр конфликтын җайга салу эше сис­темалы һәм комплекслы алып барылырга тиешлеген билгеләп үтте.