Район гәҗите редакциясенә Кошки- Новотимбаевода туган Владимир Иванов мөрәҗәгать итте.
(Тәтеш, 15 март, “Тәтеш таңнары"). “Мин Кошки-Новотимбаево авылының сугышта катнашучылары исемлеген төзүдә катнашам. Аның барышында шактый мәсьәләләр барлыкка килде. Тәтеш районы хәрби комиссариаты мөрәҗәгать итәр өчен әлеге уңайдан кайнар линия ачса начар булмас иде, дип уйлыйм”, – дип яза Владимир Федотович.
“Тәтеш районында яшәүчеләр Бөек Ватан сугышында катнашучылар хакындагы мәгълүматлар буенча 2-52-96 телефоны аша хәрби комиссарның өлкән ярдәмчесе (финанс-икътисад һәм социаль эшләр буенча) Светлана Христофоровага мөрәҗәгать итә ала”, – дип җавап бирде әлеге сорауга Тәтеш районы хәрби комиссары Фәнис Гарифуллин.
Нет комментариев