Нурия Гыймадиева: Безнең төркемдә 30 кыз иде

25 гыйнвар – Россия студентлары көне (Татьяна көне)

(Тәтеш, 25 гыйнвар, “Тәтеш таңнары”). 

Нурия Гыймадиева:
– Олы Тормы ФАПы мөдире вазифасында 44 елдан бирле эшлим, анда мин медицина училищесын тәмамлаганнан соң ук урнашкан идем. Буадан ял көннәрендә өйгә кайтып йөргән вакытлар иң күңелле хатирәләр булып саклана. Юлда очраган транспортка утырып кордонга кадәр кайтып, аннары җәяүләп атлый идек. Кайчакларда Тәтешкә кадәр кайтып, аннан соң туган авылым Олы Тормыга чаклы 18 чакрымны уза идек. Өйгә төнге сәгать 11ләрдә кайтып кергән вакытлар да булгалады. Шулай да чын күңелдән шатландык! Кызыксынып укыдык. Безнең төркемдә 30 кыз иде. Без һәр 5 ел саен бәйрәм – чыгарылышлар очрашуы оештырабыз.