Педагогия олипмы үрләре

(Тәтеш, 16 март, "Тәтеш таңнары", Галина ТАҖЕТДИНОВА , автор фотосы). Тәтештәге 1нче урта мәктәп базасына рес­публиканың Тәтеш, Буа, Чүпрәле, Яшел Үзән районнарыннан катнашучылар “Иң яхшы сыйныф җитәкчесе”, “Иң яхшы педагог-­оештыручы”, “Педагог-психолог” номинацияләрендә үз тәҗрибәләрен һәм белемнәрен күрсәтергә җыелдылар.

Район башкарма комитеты җитәкчесе Аркадий Семенычев кунакларга сәламләү сүзләре белән мөрәҗәгать итте, аларга иҗади бәйгедә уңышлар теләде. ТР мәгариф һәм фән министрлыгының балаларга өстәмә белем бирү бүлеге начальнигы Жанетта Соркина болай диде: “Бүген әлеге матур залда иң яхшылар, иң сәләтле педагоглар җыелган – сез муниципаль этапта җиңүгә ирештегез. Сезгә чын күңелдән үзегездәге иң яхшы сыйфатларны күрсәтүегезне һәм киләсе этапка уңышлы чыгуыгызны телим!”

Бәйгечеләр үзләренең тәкъдим итүлә­рендә тәрбия һәм һөнәри осталык сер­лә­ре турында сөй­ләделәр, ачык дә­ресләр үткәрде­ләр. Төрле белемгә һәм төрле стажга ия педагоглар төрле белем учреждениеләрен тәкъдим итсәләр дә, аларның һәркайсын бер нәрсә берләште­рә – хезмәтләренә иҗади якын килү һәм сайлаган һөнәрләрен чиксез ярату. Аларның һәркайсы үзенең күзаллау сәләтен, чын кешене ничек тәрбия­ләргә кирәклеген күрсәтте. 

ТР мәгариф министр­лыгы, ТР белемне үстерү институты, белем бирү оешмалары, югары уку йортлары, мәктәптән тыш хезмәт үзәге вәкилләре составындагы жюри тарафыннан эш нәтиҗәләре буенча җиңүчеләр һәм призерлар билгеләнде.

Безнең педагоглар районның педагогия талантларын чынык­тыру урыны булып торуын чираттагы тапкыр раслады. Тәтештәге 1нче урта мәктәп педагогы Ольга Владимирова “Иң яхшы сыйныф җитәкчесе” номинациясендә беренче урынны яулады, Киртәле урта мәктәбеннән Лидия Самсонова – икенче урында. “Иң яхшы педагог-оештыручы” но­минациясен­дә Фә­ния Рәхмәтуллина (Олы Тархан урта мәктәбе) икенче булды, 1нче мәктәптән Яна Курзаева – өченче. Авыл хуҗалыгы техникумын тәкъдим иткән Елена Шумилова (рәсемдә) иң яхшы педагог-психолог дип танылды, Анастасия Сафиуллина (“Миләшкәй” балалар бакчасы) катнашучы сертификаты белән билгеләп үтелде.
Район башкарма комитеты мәгариф бү­леге начальнигы Тать­­яна Красулина бәй­гече­ләрне аларның җиңүләре бе­лән тәбрикләп, апрельдә булачак бәйгенең финал этабын­да педагогия олимпы үрләренә күтәрелергә насыйп булсын дип теләде.