Саннарда районның хезмәт базарындагы хәлләр

(Тәтеш, 20 гыйнвар, "Тәтеш таңнары").Тәтеш районының халык мәшгульлеге үзәгенә 2019 елның гыйнвар-декабренә төрле сораулар буенча 539 кеше мөрәҗәгать иткән, 181 кеше эшкә ­урнаштырылган.

Ел башы торышы буенча районның халык мәшгульлеге үзәгендә эшсезләр сыйфатында 29 кеше теркәлгән (2019 ел башына 33 кеше булган).

Эшсез гражданнар сос­тавында 2019 ел белән чагыштырганда пенсия яше­нә җитеп килүче гражданнарның исәбе арткан – 38 процент (2019 елның ­1 гыйнварына – 14 процент), үзләренең теләге белән эштән китүчеләрнең исәбе – 41 процент (2019 елның 1 гыйнварына – 24 ­процент).
Эшсезләр составында хез­мәттән азат итү белән бәйле киткән гражданнар өлеше кимегән – 28 процент (2019 елның 1 гыйн­варына – 43 процент), эшсезләр сос­тавында инвалидлар өлеше – 7 процент (2019 елның 1 гыйн­варына – 8 процент), хатын-кызлар өлеше – 45 процент (2019 елның 1 гыйнварына – 51 процент). 
16-29 яшьтәге яшьләрнең исәбе үзгәрешсез – 3 процент (2019 елның 1 гыйнварына – 3 процент) калды. 

2020 елның 1 гыйнварына эшче көчләргә ихтыяҗлылык: 70 вакансия һәм 89 эш урыны. Тәтеш районының халык мәшгульлеге үзәге мәгъ­лүматлары буенча, бүгенге көндә аеруча да кирәкле белгечлекләр булып торалар: бухгалтерлар, табиблар, менеджерлар, терлекчеләр, тегүчеләр, төргәкләүчеләр. Булган барлык вакансияләр “Россиядә эш” гомум­россия вакансия­ләр базасында trudvsem.ru урнаш­тырылган.

“Районда 2020 елның башында хезмәт базарындагы киеренкелек коэффициенты бер кешегә 3 вакансия тәшкил итә”, – ­дигән мәгълүматны җиткерде белгечләр.