Районда яшәүчеләр күптән түгел безнең гәҗитнең “ВКонтакте” социаль челтәрдәге төркемендә Тәтеш районы башлыгы Рәмис Сафиулловка сораулар белән мөрәҗәгать итте.
(Тәтеш, 3 июнь, "Тәтеш таңнары"). Рәмис Хатыйп улы яңгыраган кайбер проблемалар финанс кертеме һәм вакыт таләп итә, дип җавап бирде. Ә сорауларның бер өлеше якын араларда хәл ителәчәк. Шулай булды да. Мөрәҗәгатьләрнең берникадәре инде үтәлде: шәһәр зираты янында санитар зона төзекләндерелде; азык-төлек җыелмасы һәм түләүләр төрендә социаль ярдәм алынды; Кыр урамының элекке май заводыннан су-канализация оешмасына кадәрге өлешендә яктырткычлар кабынды; агач үсентеләре утырту бара.
Башка сораулар буенча эшләр тәртип нигезендә башкарыла.
фото: архив/Авангард
Нет комментариев