Су баскан вакытта нәрсә эшләргә кирәк

(Тәтеш, 22 март, "Тәтеш таңнары"). Районда яшәүчеләр су басу вакытына әзерләнеп, тискәре нәти­җәләрне киметә һәм бетерә алалар.
1нче санлы эзләү-коткару зонасы отряды белгечләре тәкъдим итә:

якын тирәдәге территорияләр­не кар­дан чистартырга;  

су үткәрү өчен канау казырга; 

суда кечерәк дамба төрендә чикләү ­корырга; 

һава торышы фаразларына игътибар­лы булыр­га.    

Коткаручылар түбәндәге кагыйдәләрне күз уңында тотарга киңәш итә:

әгәр су басу акрын җәелә барса һәм сез­нең вакытыгыз булса, балаларны куркынычсыз урынга эвакуацияләгез, милекне, кыйм­мәтле әйберләрне, документларны саклап калу өчен кулдан килгәннең барысын да эшләгез;

тирә-юнегездә ялгыз, өлкән ­кешеләр яшәсә, аларны су басу куркынычы  турында кисәтегез;

йорттагы җан ияләрен кайгыртыгыз – этегезне бәйдән ычкындырыгыз; тавык, үрдәк, казларны чормага менгерегез; эре мал-туарны югарырак урынга урнаштырып бәйләгез;

торак корылмаларга су якын ук килгәндә электр чыбыкларын алдан ук өзегез, газны ябыгыз, су һәм электрны туктатыгыз, мичләрдәге утны сүндерегез; эчә торган су хәстәрен күрегез;

 ярдәмгә мохтаҗлар булганда, бу хакта җирле үзидарә органнарына хәбәр итегез.