Татарстан балалар омбудсмены һәм республика прокуроры гражданнарны кабул итәчәк

(Тәтеш, 18 ноябрь, “Тәтеш таңнары”). Иртәгә, 19 ноябрьдә, Татарстан Республикасында Бала хокуклары буенча вәкаләтле вәкил Ирина Волынец һәм Татарстан прокуроры Илдус Нәфыйков гражданнарны бергәләп кабул итәчәк. Бу хакта республиканың балалар омбудсмены матбугат хезмәте хәбәр итә.

Кабул итү Бөтендөнья балалар көне алдыннан оештырылачак. Шуңа бәйле рәвештә, чара «балаларның хокукларын һәм законлы мәнфәгатьләрен яклау мәсьәләләренә» багышланачак.

Кабул итүгә килергә теләүчеләр 8 (843) 236-61-49 һәм 8 (843) 291-19-25 телефоннары аша языла ала.  

Аны «Татар-информ» хәбәр итә.