Тәтеш районы Ильинское авылында ис газы белән агуланган ир белән хатынны хастаханәгә озатканнар

(Тәтеш, 19 гыйнвар, “Тәтеш таңнары”). Татарстанда ис газы белән агуланган ир белән хатынны хастаханәгә озатканнар.

Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

21.19 сәгатьтә 101 янгын сагы номерына Татарстанның Тәтеш районы Ильинское авылының Новая Слобода урамында шәхси йортта өлкән яшьтәге ир белән хатынның хәле начараюы хакында хәбәр килгән.

70 яшьлек ир-ат һәм хатын-кызны хастаханәгә озатканнар. Алар мичтән чыккан ачы төтенне сулап агуланган дип фаразлана.Аны «Татар-информ» хәбәр итә.