Тәтешле сорый: “Мин юллама алырга тиеш түгелмени?”

(Тәтеш, 18 март, «Тәтеш таңнары»). Анатолий Журавлев сорый: “Мин юллама алырга тиеш түгелмени?”
– Узган елны мин районның социаль яклау бүлегенә санаторийга юллама алу өчен мөрәҗәгать иттем. Бер ел узды, миңа юллама тиеш түгел икән. Белгеч аңлатуынча, минем инвалидлыгым юк, торак мәйданым да 40 квад­рат метрдан артып китә. Ничек шулай була инде – миңа 72 яшь, хезмәт стажым – 50 елдан күбрәк, мин юллама алырга тиеш түгел булып чыгаммы инде?