Вакытны сарыф итмә

(Тәтеш, 1 октябрь, «Тәтеш таңнары», Мәдинә Ибәтуллина фотосы). Районның ЗАГС бүлеге начальнигы Лариса ДИАНОВА ЗАГС органнарының 2018 елның 1 октябреннән гражданлык торышы актларын язуның бердәм дәүләт реестрында эшләүгә күчүе турында сөйләде:

– ЗАГС органнары 2018 елның 1 октябреннән “Гражданлык актлары торышын язуның бердәм дәүләт реес­тры” (аннары – ЗАГС БДР) Федераль дәүләт мәгълүмат системасында эшләүгә күчә, Федераль салым хезмәте аның операторы булып тора. 

ЗАГС БДР – бу үзәкләштерелгән мәгъ­лү­мат ресурсы, ул илебезнең һәрбер гражданины турындагы мәгъ­лүматларның эталонлы чыганагы булачак. Бердәм белешмәлекләрне һәм класси­фикаторларны, мәгълүматларның дөреслеген онлайн тикшерү һәм гражданлык акты торышын язуның һәрбер бердәнбер санына, шулай ук QR-кодка ия булу мәгълүмат системасының аерылып торган үзенчәлек­ле эше булачак. ЗАГС бердәм дәүләт реестры ярдәмендә, гражданлык акт­лары торышы сис­темасында катнашкан һәркемнең үзара бәйләнешендә, РФның төрле субъект­ларындагы ЗАГС органнарын кертеп, электрон төрдә урнаштырылачак. Гражданлык актлары торышы язуыннан гражданинга, аңа һәм аның балигълык яшендә булмаучы балаларына карата тутырылган мәгълүматларны турыдан-туры электрон документ төрендә бирү мөмкинлеге планлаштырыла. Республиканың ЗАГС органнары хезмәткәрләре һәркем файдалана алуны арттыручы, гражданлык акты торышын  дәүләт теркәве өлкәсендә тиз һәм сыйфатлы хезмәтләр күрсәтүдә яңа федераль мәгълүмат системасына уңышлы күчү өчен күп көч куя.