Шахмат һәм шашка буенча Чемпионаты үзды

(Тәтеш, 18 гыйнвар, «Тәтеш таннары»). “Барс” спорт-сәламәтләндерү комплексында аклы-каралы шакмакларда 80нән күбрәк спортчы “көч сынашты”.

Шахмат һәм шашка буенча Тәтеш муниципаль районы Чемпионаты үз яшь төркемнәрендә иң көчле спортчыларны билгеләде.

Ришат Әхмәтшин, Сергей Ермошкин, Мария Лашманова, Ләйсән Сөләйманова шахмат ярышларында алтын призерлар булдылар. Сергей Лашманов һәм Нәфисә Фәтхлисламова иң яшь катнашучылар иде. 

Әнисә Галиуллина, Илназ Зәйнуллин, Айдар Салаватуллин, Рузинә Шәрәфиева шашкада җиңү яуладылар. Денис Ахтонов уенның иң яшь катнашучысы булды. Мөбин Әхмәтов “Спорт ветераны” номинациясендә шахматта да, шашкада да билгеләп үтелде.