Тәтешнең район хастаханәсе яңа кадрлар белән тулыланды

(Тәтеш, 24 август, “Тәтеш таңнары”). Үзәк район хастаха­нә­сендә яшь бел­гечләр кешеләрне кабул итә башлавы турындагы яңалык районыбызда бик тиз таралды һәм  бу күпләрдә кызыксыну уятты. Без газета укучыларыбызны яңа кадрлар белән якыннанрак таныштыру өчен, гадәти эш көннәренең берсендә поликлиникага юл алдык.

Ультратавыш диагнос­тикасы табибы, табиб-кардиолог Равил Ахтереевка пациентлар үз чиратын көтә, ләкин ул безнең өчен вакыт табып, үзе турында сөйләде. Ул меди­цина университетын тә­мамлаган, безнең районга килгәнче, ­Казан хастаханәләренең бер­­­сен­дә эшләгән. Яңа кил­гән белгечләрдән ул – иң тәҗрибәлесе, медицинада 11 ел.

– Табиб һөнәре миңа ба­лачактан ук ошый иде. Мәктәпне тәмамлар алдыннан, туган шәһәрем Бөгелмә хас­таханәсендә волонтерлык эшчәнлеге белән шөгыльләнә башладым. Медуниверситетта җәйге практикадан соң, без хастаханә бүлекләрендә практика узарга тиеш идек. Нәкъ ме­нә шул вакытта кардиология белән мавыгып киттем. Аны үзләштергәннән соң, УЗИ нәтиҗәләре белән кызыксына башладым. Нәкъ тә йөрәк мине ультратавыш диагностикасын өйрәнүгә “китерде” дә инде, – дип сөйли Равил Нуриәхмәт улы.

Табибның планнарында – кардиология буенча диссертация язу. Медицина бер урында гына тормый, һәм үз белемнәреңне  камилләштереп кенә ки­рәкле белгеч булырга мөм­кин, дип саный ул. “Бер көн үз-үзең өстендә эшлә­мәсәң – бу ике адым артка китү дигәнне аңлата, – ди табиб. – Профессионал булып калырга кирәк. Һәм кайда эшләвең мөһим түгел, Казанда яки кечкенә торак пункттамы”.

Равил Нуриәхмәт улы Тә­теш хастаха­нәсендә беренче эш көнендә дә дулкынлану кичермәдем, бары тик эш барышын җайга салырга гына кирәк иде, ди.
Тәтеш район хаста­ханәсендә август башыннан башлап гомум­тәҗрибә табиблары, табиб-терапевтлар Илья Хышов белән Энҗе Мөхәрәмова кешеләрне кабул итәләр. белгечләрнең икесе дә – тәтешлеләр. Алар бер медицина университетында укыганнар һәм белгечлек алгач, туган якларына кайтканнар.

– Мин кечкенәдән үк хайваннар яраттым һәм аларны дәваларга тырыштым. Мәктәпне тәмамлаганнан соң, әни үземне медицинада сынап карарга киңәш итте. Мед­университетка укырга кермәсәң, ветеринарга укырга барачаксың, диде. Бәхеткә, мин кердем, – ди Илья Александрович. – Укырга кызык иде. Уку вакытында фтизиатрия ошады. Район хастаханәсендә тәҗрибә тупларга өмет­ләнәм. Профессор әйт­кәнчә: “Тәҗрибә туплау өчен, авыл хастаханәсендә эшләгез һәм сез үзегезнең кем икән­легегезне аңларсыз”.

Аның әйтүенчә, беренче эш көне һәр­кемнеке кебек булган – берни дә аңлашылмаган. Аңа шәфкать туташы Ра­ми­лә Салаватуллина ярдәмгә килгән. Яшь белгеч белдергәнчә, хастаханәдә табиблар да үз эшенең осталары һәм  һәрвакытта ярдәм итәргә әзер ­торалар.

Энҗе Мөхәрәмова Тә­теш­тә туган, шәһәрдәге 1нче мәктәпне тәмамлаган.

– Унынчы сыйныфны тәмамлагач, апам табибка укырга киңәш итте. Мин Тәтешне һәрчак яраттым, шуңа күрә дә медуниверситетны тәмамлагач, кайсы шәһәрдә эшләячәгем турындагы мәсьәлә булмады, – дип уртак­лаша Энҗе Илһам кызы. – Беренче көннәрдә барысын да башкарып чыгуы кыенрак булды, әлбәттә. Мин шәфкать туташы Татьяна Григорьевна Сорокинага, безнең хастаханәнең табиб­ларына бик тә рәхмәтле, – ди яшь табиб.

Якташларыбызның дустанә мөнә­сәбәттә булуын аерым билгеләп үтәсем килә. Бу канатландыра, үзеңә ышанырга һәм эшкә елмаеп килергә ярдәм итә.   
Ул диагноз куюга бик тә җентекләп каравын, ялгышудан куркуын, әгәр шикләнгән очраклар булса, һәрчакта да тәҗрибәлерәк хезмәттәшләренә мөрәҗәгать итүе хакында ихлас күңелдән әйтә.