­Екатерина Сомова район башкарма коми­те­ты­ның мә­гариф бү­легендә бухгалтер булып 30 елдан бирле хез­мәт куя

(Тәтеш, 19 сентябрь, “Тәтеш таңнары”, Полина Егорова). ­Екатерина Сомова район башкарма коми­те­ты­ның мә­гариф бү­легендә бухгалтер булып 30 елдан бирле хез­мәт куя. Ул үзе­­нең беренче эш көнен – ничек итеп рай­онның халык мә­га­рифе бү­легенә – ронога эшкә урнашуын яхшы хә­терли. Бухгалтериядә ыгы-зыгы хөкем сөргән, барысы да нәрсәдер исәпләгәннәр, рәсмиләштергәннәр, боларның барысы да катлаулы кебек тоелган, ләкин яңа дөньяга килеп кергән яшь белгечкә ярдәм итәрлек кешеләр янәшәсендә булган.  

Екатерина Григорьевна балачагында педагог яки психолог булырга теләгән. Мәктәпне тәмамлаганнан соң, 17 яшендә, индустриаль-педагогия техникумына укырга кергән. 

Аны тәмамлагач, ронога эшкә урнашкан һәм әлегә кадәр шунда хезмәт куя. Читтән торып икътисади югары белем алган. Екатерина Григорьевна хәтта бәйрәмнәрдә һәм ялларда да, чын хезмәт кешесе буларак, отчетларны вакытында тапшырыр өчен эшкә чыга. Бухгалтерлык эшен күпләр ялыктыргыч һәм бертөрле дип саныйлар, ләкин бу беренче карашка гына шулай тоела. Аңарда нәрсәсе кызыклы инде, дип уйларга да мөмкин. Саннар, исәп-хисаплар, документлар белән эшләү. Моның белән беррәттән, бу һәрдаим ниндидер яңалыкны өйрәнү, мәгълүматлар эзләү, акыл фикерләвен үстерү. Әлеге хезмәт күп көч, вакыт таләп итә, кайчакларда нинди дә булса авырлык­лар белән дә очрашырга туры килә. Екатерина Григорьевна үзен гаиләсе, балалары янында ял итәм, дип саный. 

Безнең тормышта күп нәрсәләр үзгәрә, ләкин нәрсәләрдер үзгәрешсез кала. Хәзер яшь буын килә, ул, кайчандыр үзенә шулай булышлык күрсәткән кебек, тәҗрибәле бухгалтер буларак аларга да эшләрендә ярдәм итә.

фотоны  ­Екатерина Сомова тәкъдим итте