Фиргат Сулейманов: Минем хезмәтем – ашлыкны сыйфатлы итеп киптерү, складларга озатып җибәрү
“Колос” агрофирмасы – игенчелек культурасы югары булган авыл хуҗалыгы.
Фиргать Сөләйманов, киптергечтә эшләүче:
– 2021 елда хуҗалыкның ындыр табагы территориясендә яңа ашлык киптерү комплексы җиһазландырылгач, киптерүче булып эшкә урнаштым. Минем хезмәтем – ашлыкны сыйфатлы итеп киптерү, складларга озатып җибәрү. Хәзер ашлык 15 – 17 процент дымлылык белән бара, аның дымлылыгын, культурага карап, 13,5 – 13,9 процентка җиткерергә кирәк. Минем эшем 11 сәгать дәвам итә. Тәүлегенә 200 тоннага кадәр ашлык кабул итәбез. Иртә белән техниканы карап чыгам, механизмнарны эшләтеп җибәрәм. Бөтен процесс механикалаштырылган, ләкин кайчакларда кайбер нәрсәләрне көйләп җибәрү зарур, һәркайда да куллар кирәк.
Хәзерге вакытта орлыкка арпа киптерәбез. Сезонның соңгы культурасы кукуруз булачак, аны гыйнварга кадәр киптергән чаклар да булды. Шулай булгач, эш бар әле. Аннары, барысын да төгәлләгәч, җайланмаларны киләсе елга кадәр туктатып торабыз. Ә июльдә яңа уңышны кабул итүгә әзерләнәчәкбез, шулай итеп, урак өстеннән алып урак өстенә кадәр яшибез.
Галина Таҗетдинова, автор фотосы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев