Иң мөһиме – үз эшеңне ярату

Ул Олы Тормы авылында туып-үсә, шуңа күрә үзе турында “Туган авылымда эшләвем белән бәхетлемен. Кайда туган булсам, шунда кирәгем чыкты”, ди. 

– Урып-җыю эшләренә бәйле ­киеренкелекне без дә, хуҗалыкның исәп-хисап – ­икътисад хезмәте белгечләре дә сизәбез. Безнең бурыч – хезмәткәрләрне кырлардагы эшләрне, урып-җыю эшләрен тиз һәм сыйфатлы башкару, уңышны төгәл һәм дөрес исәпкә алу белән кызыксындыру. Россия икътисадын цифрлаштыру яңа программалар белән эшләү­не таләп итә. Бу яңа йөк­ләмәләр безгә бик күп тын­гысызлыклар ­тудыра, көндәлек өйрәнү һәм кон­сультацияләр таләп ителә. Бердәм мәгълүмат системасына җир ресурслары, чәчү әйләнешләре, кулланыла торган агрохимикатлар, һәрбер кырдан урып-җыелган уңыш, орлыклар турында төгәл бе­лешмәләр кертергә кирәк. Дәүләт ярдәме чараларын алу мөмкинлеге безнең мәгълүматларга бәйле ­булачак.

Районның авыл хуҗа­лыгы һәм азык-төлек ида­рәсе белгечләре безгә даими рәвештә ярдәм күрсәтәләр, “Рос­сель­хозцентр”ның Тә­теш филиалыннан ­Сергей Матвеевка теләсә нинди сорау буенча мөрәҗәгать итәбез, – дип сөйли Ми­ләүшә Гаяз кызы. 

фотоны Миләүшә Салихова тәкъдим итте