Көчен дә, вакытын да кызганмый

Якташлары файдасына бишенче ел эшли. Тәҗрибәле механизатор техникада кышкы чорда юлларны кардан чистарта, ә җәй көне үлән чаба.

– Җаваплы, ышанычлы, намуслы, – ди аның турында авыл җирлеге башлыгы Әсхәт Гобәев. – Көчле кар яуган вакытта Хамис Сафинович юлларны чистартырга төнге сәгать өчтә чыга иде. Эш өчен ул беркайчан да көчен дә, вакытын да кызганмый. Тәүлегенә өч тапкыр – иртән, төшке аш вакытында һәм кичен – бөтен авыл буйлап җиде километр юл үтә иде. Моннан тыш, байрашлылар­ның җирлек администраци­ясе­нә язган гаризалары буенча пенсионерларның, ялгыз яшәүче авылдашлары­ның капка төпләренә кадәр юл­ны да чистарта. Үз тракто­рында йөкләр ташый, арбаны аңа җир­ле авыл хуҗалыгы товар җитештерүчесе Илмаз Заһидуллин бирә. Мәсәлән, бу юлы ул махсус хәрби операциядә катнашучы Закиров гаиләсен утын белән тәэмин итте. Безнең Хамис Сафинович өчен башкарып чыга алмаслык эшләр юк.