Михаил Абмаев: һава шартлары мине куркытмый

Михаил Абмаев, «Авангард» авыл хуҗалыгы предприятиесе:

— Тәтештә юлларны кардан чистарту белән иртәдән кичкә кадәр бишенче көн эшлим. Элек кар күп ява иде, ә соңгы вакытларда кыш аз карлы булгач, быелгы хәл бик гаҗәпләндерде. Бүген мине юл чистартырга яңа зиратка җибәрделәр, кар катламы калын, төне буе яуган кар бөтен юлларны тутырган. Әлегә капкага кадәрге юлны чистартам, ә алга таба эчке территориясен дә кардан арындырырга кирәк булачак. Эшләве авыр түгел, кырдагы кебек үк, иркенлек. Кабинада җылы, җил булса да, салкын булса да, һава шартлары мине куркытмый.