Наталья Борисо­ва: Агрофирмада инде 15 елдан бирле эшлим

Наталья Борисова, склад мөдире: 

– Агрофирмада инде 15 елдан бирле эшлим. Агроном-орлыкчы булып эшли башладым, аннары баш агроном булдым, дек­рет ялыннан соң заправкага эшкә чыктым. Хәзер ми­нем җаваплылыкта – аш­лык складлары, алар бездә алты. Ашлыкны төяү бөртек ыргыткыч ике җайланма белән башкарыла.

Ындыр табагының тер­риториясе зур, хуҗалык та кечкенә түгел. Бездә коллектив искиткеч дус, бердәм. Хезмәттәшем Ла­риса Федотова белән ал­ма­шынып эшлим. Ком­байннар ашлык суккан арада, иген безгә китерелә. Басудан ташыган иген генә түгел, киптергечтән складка сала торганы да үлчә­нә. Предприятиедә кат­­гый исәпкә алу да мөһим, үз журналымны, гомуми журналны, аерым көндә­лекне, реестрны алып барам. Киптерү өчен безгә районның башка хуҗа­лык­ларыннан да ашлык ташыйлар, чөнки киптерү комплекслары бөтенесендә дә юк.

Июль – август – иң кие­ренке вакыт, соң­рак йөк­ләнеш кими. Җитәк­че­ләребезнең өметен ак­ларга кирәк, авыр эштән соң ел саен безгә шифаханәгә юлламалар бирелә, һәм без мондый мөмкинлекне кул­дан ычкындырмыйбыз, ял итәбез, көч җыябыз.

Галина Таҗетдинова, автор фотосы