Юкә, пихта утырттылар

(Тәтеш, 15 октябрь, “Тәтеш таңнары”).

Татар урта мәктәбе укучылары, гражданнарны яклау көллияте һәм авыл хуҗалыгы техникумы студентлары, урманчылык һәм шәһәр башкарма комитеты хезмәткәрләре “Агач утырту көне” акциясендә катнаштылар. 

Тәтештә Горький урамы буенча йөз – юкә, илле пихта үсен­тесе утыртылды. 
– Сез күп еллардан соң, әле­ге урыннардан балаларыгыз һәм оныкларыгыз белән үтә­р­сез һәм горурланып: “Үт­кәндә калган 2022 елда мин, студент яки мәктәп укучысы булганда, шушы агачны утырткан идем диярсез”, – дип мөрәҗәгать итте чарада катнашучыларга Тәтеш районы башлыгы урынбасары Евгений Курков.

“Чиста урманнар” акциясе кысаларында Тәтештәге участок урманчылыгы хезмәт­кәрләре алдарак Олы Шә­мәк авылы җирлегенең Победа поселогыннан ерак түгел дүрт мең агач үсентесе утырткан ­булган.