Мәдәният йортында Педагог һәм остаз елына багышланган тантаналы чара узды
Район башлыгы Рәмис Сафиуллов җыелучыларга сәламләү сүзләре белән мөрәҗәгать итте.
(Тәтеш, 14 март, “Тәтеш таңнары”). 10 мартта район мәдәният йортында Педагог һәм остаз елына багышланган тантаналы чара узды.
Район башлыгы Рәмис Сафиуллов җыелучыларга сәламләү сүзләре белән мөрәҗәгать итте. Ул безнең уртак киләчәгебез өчен педагогика эшенең мөһимлеген билгеләп үтте һәм гамәлдәге педагогларга, мәгариф өлкәсе ветераннарына нәтиҗәле хезмәтләре өчен рәхмәт белдерде.
Татарстан Республикасы Дәүләт җыр һәм бию ансамбле артистлары чараның махсус кунаклары булды.
Чара кысаларында бүләкләү тантанасы узды.
2023 ел Россия Президенты Владимир Путин Указы белән Педагог һәм остаз елы дип игълан ителде. Укытучы - үсеш юлында озата баручы кеше, ул белеме һәм тәҗрибәсе белән уртаклаша, күнекмәләрне үстерә һәм катлаулы мәсьәләләрне ничек хәл итәргә кирәклеген өйрәтә.
Следите за самым важным и интересным в Telegram-каналеТатмедиа
Нет комментариев