Нармонка мәктәбенә 33 урынга исәпләнгән ПАЗ маркалы яңа мәктәп автобусы тапшырдылар

(Тәтеш, 15 март, “Тәтеш таңнары”). Нармонка мәктәбенә 33 урынга исәпләнгән ПАЗ маркалы яңа мәктәп автобусы тапшырдылар. Автобус җылы, заманча куркынычсызлык каешлары, уңайлы креслолар, укучылар рюкзаклары өчен урыннар белән җиһазландырылган, тахографлар һәм кирәкле ГЛОНАСС навигациясе белән  җиһазландырылган .

Мәктәп коллективы, укучылар, ата-аналар Республика башлыкларына, Тәтеш муниципаль районы администрациясенә һәм мәгариф бүлеге җитәкчеләренә, АТПга зур рәхмәтләрен  белдерәләр.