Шәһәр башкарма комитеты белгечләре: Контейнерларны баш­ка урынга күчереп булмый

(Тәтеш, 29 май, "Тәтеш танңары").  Безнең редакциягә шәһәр кешесеннән хат килде, ул Ворошилов урамындагы йорттан ерак түгел көнкүреш калдыклары өчен контейнер урнаштыру турындагы фикерләре белән уртаклашты. Элек, аның сүзләренә караганда, контейнер ераграк торган. 

– Чүп-чарны, нигездә, арбаларда төяп киләләр һәм контейнер янында ташлап калдыралар, – дип яза пенсионер ханым. – Үз бакчама чыгып, саф һава сулый алмыйм, иске калдыклар исе бе­лән суларга туры килә.
Без Ворошилов урамында булдык һәм әлеге күренешкә гаҗәпләндек: контейнер янында зур агач ботаклары, тирес, зур күләмле чүп-чар һәм хәтта зур пружиналы матрас ята иде, шул ук вакытта контейнерлар яртылаш буш иде. Димәк, кайбер намуссыз шәһәрлеләр үз урамнарын үзләре ямьсезли, шулай ук аның янында урнашкан йортларда яшәүчеләрнең тынычлыгына һәм ялына ­комачаулый.
Безнең шәһәр башкарма комитеты белгечләре аңлатма бирде:
– Контейнерларны баш­ка урынга күчереп булмый, чөнки алар өчен стационар коймалар урнаштырыл­ган. Каты көн­күреш ­калдыкларын вакы­тында җыеп ­алуны контрольгә алабыз. Шуның белән бергә, тәтеш­леләрдән көнкүреш калдыкларын контейнерга ташлауны һәм аның янәшәсен төзелеш материаллары һәм бакчалардагы куаклар белән чүп­ләмәүләрен сорыйбыз. 
Гәҗит чыгу вакытына чүп контейнеры һәм аның территориясе чистартылган иде.