-----------
Бала мөстәкыйль рәвештә поликлиникага медицина ярдәме сорап мөрәҗәгать итә аламы? – дип сорый укучыбыз Валентина К.
ТР мәҗбүри медицина иминияте территориаль фондының Буа шәһәрендәге филиалы директоры Илсур Гарипов җавап бирә:
– Медицина катнашлыгының кирәкле шарты булып “Россия Федерациясендә гражданнарның сәламәтлеген саклау нигезләре турында”гы Федераль закон нигезендә ата-аналарның берсе яисә башка законлы вәкиле имзалаган мәгълүмати ирекле ризалык бирү тора.
Балигълык яшендә булмаган 15 яшьтән өлкәнрәк затлар медицина катнашлыгына яисә аннан баш тартуга мәгълүмати үз ризалыгын бирү хокукына ия.
Ягъни, 15 яшькә кадәрге балигълык яшендә булмаучыларга ата-аналарының берсеннән яки законлы вәкиленнән башка табибка мөстәкыйль рәвештә барырга рөхсәт ителми.
Нет комментариев