Тәтеш районында фольклор-этнографик экспедиция эшләде

(Тәтеш, 9 август, «Тәтеш таңнары»). 1 августтан 7 августка кадәр Тәтеш муниципаль районының торак пунктларында «Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү 2014-2023 еллар» кысаларында «Таткультресурсцентр» ДБУның РФА УрО гуманитар тикшеренүләр институты белән берлектә һәм РФА әгъза-корреспонденты, тарих фәннәре докторы, институт директоры Черных Александр Васильевич җитәкчелегендә фольклор-этнографик экспедиция эшләде. Аны Тәтеш район мәдәният йорты хәбәр итә.

Экспедициянең максаты халык иҗаты, нәфис әдәбият һәм фольклор үрнәкләрен, халык сәнгать кәсепләре һәм һөнәрләре яшәү урыннарын өйрәнү һәм җыю булган.