Тәтешлеләр мәкерле алдакчылар хәйләсенә килеп кабуларын дәвам итәләр

(Тәтеш, 11 сентябрь, “Тәтеш таңнары”).

Тәтешлеләр, кисәтүләргә дә карамастан, мәкерле алдакчылар хәйләсенә килеп кабуларын дәвам итәләр.

Тәтеш кешесенең акчасын урлау факты буенча Тәтеш рай­о­ны эчке эшләр бүлеге хезмәт­кәрләре тарафыннан җинаять эше ­кузгатылган. Тикшерү барышында хатын-кызга үзен Тикшерү комитетының тик­шерүчесе дип таныштырган билгесез ир-атның шалты­ратканлыгы ачыкланган. Ул Мәскәүдәге Хисап палатасының финанс бүлеге белән элемтәгә керүләрен үтенгән, тәтешленең элегрәк дәвалау әйберләрен сату буенча бер фирмадан аяк­ларын дәвалау өчен әйбер сатып алуын искә төшергән. Шалтыратучылар пенсионерга әлеге “контораның” алдакчылар булып чыгуын, аның ябылуын, ә аның счетлары туктатылуын хәбәр иткәннәр. Тәтешлегә, зыян күрү­че буларак, фирма ябылу турындагы эш буенча 620 мең сум күләмендә компенсация тиеш дигәннәр.  Яшәү урыны буенча шушы түләүне алыр өчен хатын-кызга иминият өчен 18 мең сум һәм курьер өчен 62 мең сум акча күчерергә кирәк булган. Зур сумма белән кызыксынган 74 яшьлек хатын-кыз банкларның берсендә ике көн дәвамында кредит рәсмиләштергән һәм алдакчылар счетына 80 мең сум акча күчергән. Шуннан соң билгесез затлар белән элемтә өзелгән.

Олы яшьтәге кешеләр – иң эчкерсезләр, ышанучаннар һәм киң күңеллеләр. Киңәш: пенсионерларга алдакчыларның гамәлләре, алардан сакланыр­га кирәклеге турында ешрак сөйләгез. Хәер, икенче бер хәл авылда яшәүче яшь хатын-кызның җинаятьчеләр кармагына килеп кабуы турында.

Жуково авылы кешесе по­лициягә билгесез затларны җаваплылыкка тарту турындагы гариза белән мөрәҗәгать иткән. Шалтыратучылар сөйләшү барышында аңа банктан бонуслар күчерелгәнлеген, аларны картага алу кирәклеге турында хәбәр иткәннәр. Зыян күрүче, алдакчыларның күрсәтмәләрен үтәп, хәбәр буенча алынган кодларны әйтеп, банкның мобиль кушымтасында кирәкле гамәлләрне башкарган. Нәти­җәдә, аның исеменә 100 мең сумлык лимит белән онлайн кредит картасы рәсмиләштерелгән, шуңардан алдакчылар әлеге барлык сумманы билгесез счетларга күчергәннәр. 

2022 елның 6 ае эчендә тә­­тешлеләр җинаять­че­ләр­нең мәкерле гамәле нә­тиҗәсендә 350 мең сумнан артык акча­дан мәхрүм калганнар. Зыян күрүче­ләр­нең, шулай ук аларның ту­ганнарының да ­ва­­кытында күрсәтелгән уяулыгы ярдәмендә­ 1 миллион 530 мең сум акча урлауга чик куелган.