Тәтеш районы прокуратурасы районның ике кешесенә карата дәүләт гаепләвен хуплаган: икесе дә җинаять кылуда гаепле дип танылган.
Тәтеш районы суды 24 яшьлек район кешесен җинаять кылуда: икенче тапкыр исерек килеш транспорт йөртүдә гаепле дип таныган.
– Хөкем ителүчегә җәмәгать судьясы карары белән 2024 елның 14 маеннан 30 000 сум штраф салынган һәм исерек килеш руль артында йөргән өчен 1 ел да 6 ай вакытка машина йөртү таныклыгыннан мәхрүм ителгән булган. Ләкин узган елның 1 ноябрендә яшь ир-егет Тәтеш районының бер авыл хуҗалыгы предприятиесеннән шәхси ихтыяҗлар өчен арендага трактор алган. Ир-ат тракторны хуҗалыкның агротехника кую урыннан вакыт-вакыт алып киткәләгән. 2024 елның 16 ноябрендә якынча 8 сәгать 30 минутта, яшь ир-ат, исерек килеш, тракторны кабызып чыккан һәм аның белән Льяш авылы урамы буенча киткән. Ул Совет урамында дәүләт автоинспекциясе хезмәткәрләре тарафыннан туктатылган. Медицина тикшерүе ир-атның канында этил спирты концентрациясен ачыклаган, – дип хәбәр итә прокуратура хезмәткәрләре. – Яшь кеше гаебен тулысынча таныды. Суд тарафыннан аңа 200 сәгатькә мәҗбүри эшләр рәвешендә җәза билгеләнде, транспорт йөртүгә бәйле эшчәнлек белән шөгыльләнү хокукыннан 2 елга мәхрүм ителде. Трактор хуҗасына кайтарылды.
фото: Татар-информ
Нет комментариев