Иминлек каешын тагарга онытмагыз

– Юл йөрү кагыйдә­лә­ренә ярашлы рәвештә, имин­лек каешлары белән җи­һазландырылган авто­мо­бильдә хәрәкәт иткәндә, механик транспорт чарасы йөртүчесе бәйләнгән булырга һәм бәйләнмәгән пассажирларны йөртмәскә тиеш. Иминлек каешларын куллану кагыйдәләрен бозуларны теркәү автомат режимда юл хәрәкәте кагыйдәләрен бозуларны фотовидеофиксацияләү комплекслары белән алып барыла. Кагыйдәләрне бозган өчен административ җаваплылык каралган. Транспорт куркынычсызлыгы үзәкләре тик­шеренүләренә караганда, иминлек каешларын куллану алгы утыргычтагы йөртүче һәм пассажир өчен юл-транспорт һәлакәтләрендә һәлак булу яки имгәнү ихтималын 50 процентка, арткы утыргычтагы пассажирлар өчен 25 процентка киметә. Машина ауган очракта бәйләнгән иминлек каешы исән калу мөмкинлеген биш тапкыр арттыра, – дип хәбәр итә район Дәүләт автоинспекциясе хезмәткәрләре.