Республика юлында фура белән бәрелешкән такси йөртүчесе һәм пассажиры үлгән

(Тәтеш, 21  март, “Тәтеш таңнары”). Кичә Татарстан юлында фура белән бәрелешкәннән такси йөртүчесе һәм пассажиры үлгән. Авария республиканың Югары Ослан районында, Р-241 трассасында Югары Мәми борылышы янында булган.

Көчле бәрелүдән җиңел машинаның алгы өлеше яньчелгән. Бәрелештән соң йөк машинасының кабинасы яна.

Шаһитләре хәбәр иткәнчә, юл — транспорт һәлакәтендә такси йөртүчесе һәм пассажир үлгән.

Тулырак: https://tatar-inform.tatar/news/incident/21-03-2022/tatarstan-yulynda-fura-bel-n-b-releshk-n-taksi-y-rt-chese-m-passazhiry-lg-n