Республикада җиңел машина эвакуаторга килеп бәрелгән

(Тәтеш, 29 июнь, “Тәтеш таңнары”).

Кичә кич республиканың Тукай районы Сәмәкәй авылыннан чыгу юлында транспорт һәлакәте булган. «Лада Гранта» машинасы эвакуатор тәгәрмәчләре астына килеп кергән.

Көчле бәрелүдән җиңел автомобиль корпусының алгы өлеше җимерелгән, ә эвакуатор юлдан төшеп, коймага барып бәрелгән.

«Татар-информ»га хәбәр итүләренчә, һәлакәттә җиңел машинаның бер пассажиры зыян күргән.

Бу хакта тулырак: https://tatar-inform.tatar/news/tatarstanda-inel-masina-evakuatorga-kilep-barelgan-5856674