Татарстанда “Язгы каникуллар” профилактик акциясе уза

(Тәтеш, 23  март, “Тәтеш таңнары”). Районда, бөтен республикадагы кебек, агымдагы елның 23 мартыннан 5 апреленә кадәр “Язгы каникуллар” профилактик акциясе уза.

Татарстан Республикасы буенча Эчке эшләр министрлыгы мәгълүматлары буенча, 2022 елның 2 аенда рес­публика юлларында 41 юл-транспорт һәлакәте булуы, аларда 2 баланың үлеме һәм 42се җәрәхәтләр алуы теркәлгән. Юл-транспорт һәлакәтләрендә катнашкан балаларның күпчелеге – җәяүлеләр. Ел башыннан алар катнашында 22 юл-транспорт һәлакәте теркәлгән, аларда 1 бала үлгән һәм 21е имгәнүләр алган. 

Тәтеш районының ЮХИДИ бүлеге хезмәткәрләре тәтеш­леләрне: шоферларны да, җәяүлеләрне дә юлларда игътибарлы булырга һәм кагыйдәләрне ­тайпылышсыз үтәргә өнди.