Балалар котлаганнар

(Тәтеш, 8 октябрь, “Тәтеш таңнары”, Динә Мансурова, Ләйлә Загретдинова фотосы).

–     Тәтештәге татар урта мәк­тәбе укучылары безне гаҗәпкә калдырдылар. Укытучылары белән бергә өебезгә килделәр һәм Өл­кәннәр көне белән котладылар. Безнең өчен җырлар башкардылар, биеделәр, үзләре ясаган рәсем­нәрне бүләк иттеләр, бик дулкынландыргыч булды, – дип сөйләде телефоннан Шәһәр яны урамында яшәүче Линар Миначев. – Алар бездә генә түгел, өлкән яшьтәге барлык күрше­ләребездә дә кунакта ­булганнар.

Без мәктәп директоры Ми­­­ләүшә Халитовага шалтыраттык һәм акцияне педагог Ләй­лә Заһретдинова җитәк­че­легендәге 3нче сыйныф укучылары үткәрүен белдек. Өс­тәвенә, бәйрәмгә алар өлкән буын кешеләренә җылы котлаулар һәм ныклы сәламәтлек, яхшы кәеф, озын гомер теләп мөрәҗәгать ителгән видео да әзерләгәннәр.