Бидәңге укучылары коллективы “Театрның яше юк” Республика мәктәп театрлары фестиваль-конкурсында катнашты
Коллектив “Сугыш җиле” театраль күренешен әзерләгән.
Тәрбия эшләре буенча директор урынбасары – мәктәп театры җитәкчесе Гүзәл Сәйфетдинова җитәкчелегендәге Бидәңге төп мәктәбе укучылары коллективы Кәрим Тинчурин исемендәге Татар дәүләт драма һәм комедия театрында “Театрның яше юк” Республика мәктәп театрлары фестиваль-конкурсында катнашты.
Коллектив “Сугыш җиле” театраль күренешен әзерләгән. Бөек Ватан сугышы еллары һәм махсус хәрби операциядә катнашучы ир-егетләребезнең батырлыгы аның төп темасы булган.
Театрның профессиональ артистларыннан торган жюри балаларның ихласлылыгын һәм театраль әзерлекләрен югары дәрәҗәдә бәяләгән.
Республиканың барлык мәктәп театрлары спектакльләрен караганнан соң, фестиваль-конкурска йомгак ясалачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев