Булачак аналарны котладылар

(Тәтеш, 13 октябрь, “Тәтеш таңнары”, Юлия Калиниа, автор фотосы). Үз чиратлары җитүен көткән булачак сигез ана бер-берләре белән тыныч кына әңгәмә корып утыралар иде.  Шул вакытта коридорда “Шусам” ансамбле җырчысы Алена Старостина һәм Тәтеш үзәк район хастаханәсенең хатын-кызлар консультациясе психологы Татьяна Матаева пәйда булды, ул  быел Татарстанда беренче тапкыр Йөклеләр көне уздырылуы турында хәбәр итте. 

–  Бүгенге чараның максаты – төбәктә йөклеләргә карата сакчыл мөнәсәбәт, кайгыртучанлык культурасы булдыру һәм киң җәелдерү, шулай ук бала көткән вакытларда шатлыклы вакыйгалар исәбен арттыру хисабына йөкле хатыннарның гомуми хис-кичерешләр халәтен яхшырту, – дип билгеләп үтте Татьяна Владимировна.

Алена Старостина җыелу­чылар өчен ана ­турында музыкаль әсәр ­башкарды, аннары йөкле хатыннар күмәк­ләшеп танылган мульт­фильм-нан бер җыр кушымтасын җырладылар.

– Йөклелек – үзенчәлекле күренеш. Сезне күзәткәндә без сезнең якты дөньяга туачак балаларыгызны күзәтәбез. Минем киңәшем – консультацияләргә җитди карагыз, йөклелек тә­мамланачак, сабый туачак, ә тормыш дәвам итәчәген белеп торырга кирәк. Сезнең булачак сабыегызның организмына нигез нәкъ тә йөклелек барышында салына, – дип мөрәҗәгать итте булачак аналарга Тәтеш үзәк район хастаханәсе табибы – акушер-гинекологы Дмит­рий Сучков. – Сезнең тормышыгызда иң мөһиме – балалар икәнлеген исегездә тотыгыз.  

Бәйрәм чарасы йөклеләр өчен “Хис-тойгылар банкасы” – төсле тозлардан сак­лагыч­лар булдыру буенча мастер-класс белән тәмамланды.  

– Мондый вакытта безгә аерым игътибар күрсәтү бик сөендерә. Безнең өчен оештырылган чара көтелмәгәнчәрәк булды. Без планлы тикшеренүгә килдек һәм күңелле күренешкә тап булдык, – дип уртаклаштылар ике Алинә һәм Гунель. 

Булачак аналар Йөклеләр көнендә  бүләкләр дә алдылар, ә акушер-гинеколог Дмит­рий Сучков һәм хатын-кызлар консультациясе акушеркасы Анастасия Родионова “Демография платформасы.РФ” проектын оештыру комитетының Рәхмәт грамоталары белән билгеләп үтелделәр.