«Форпост» активистлары «Без татарча сөйләшәбез» дигән квест-уен үткәрделәр

(Тәтеш, 10 февраль, “Тәтеш таңнары”). Кичә Тәтеш татар урта мәктәбенең «Форпост» яшьләр хокук саклау хәрәкәте активистлары Халыкара туган тел көненә багышланган «Без татарча сөйләшәбез» дигән квест-уен үткәрделәр.  Аны "Форпост" үзәге хәбәр итә.

Квестның асылы-Туган тел мәдәнияте дөньясына ишекләр ачкан алтын ачкычны эзләү. Маҗаралы характердагы уенда балалар хәзинә эзләделәр, төрле биремнәр үтәделәр, татар телендә табышмаклар чиштеләр. Танылган әкиятләр белән Табышмаклар җыйдылар, шулай ук милли ризыкларны ачу өчен киртәләр бар иде.
Квест кызыклы һәм мавыктыргыч үтте, шау-шу һәм күңелле иде.

фотоларны "Форпост" үзәге тәкъдим итте