Гаилә ядкарьләре турында сөйләделәр

(Тәтеш, 28 ноябрь, "Тәтеш таңнары). 
Чәк-чәк, бәлеш, кош теле, гөбәдия, серьгавазень прекат, дөге һәм йөзем белән пешерелгән кабак, үлән чәе: милли һәм гаилә ризыклары күргәзмәсендә боларның барысы да һәм башка күп төрлеләре тәкъдим ителде, чара нәкъ шулардан башланды да инде. Генеалогия агачын күрсәтү һәм шәҗәрәне тәкъдим итү бәйгенең мәҗбүри шартларының берсе иде. Катнашучылар жюрины сый-нигъ­мәтле өстәлләр белән генә түгел, шулай ук буыннан-буынга күчеп килүче ядкарьләр, бизә­нү әйберләре, орденнар һәм медальләр, музыка уен кораллары, кулъязмалар, узган елларда төшерелгән аклы-каралы фоторәсемнәр белән га­җәпләндерергә тырышты. Бәйрәмнең зона этабында Тәтеш районын Мамкиннар гаиләсе тәкъдим итте.

Катнашучылар “Таныш  булыгыз, минем гаилә, минем нәсел!” дигән йөз таныкламасы кысаларында татар һәм мордва телләрендә туган як турындагы җырларны, милли биюләрне башкарды, Югары Ослан районыннан килгән кунак­лар репрессия еллары турында театр күренеше күрсәтте. “Бәйгедә катнашырга ризалашып, мин барыннан да элек Татарстан халыклары, гаиләләре, династия­ләре хакында күп кенә яңалыклар белүгә исәп тоттым. Үзем көткәннәрдән мин ялгышмадым”, – дип уртаклашты Кама Тамагы районы вәкиле ­Раушания Хәйруллина.
“Гаилә тарихында гасырлар кайтавазы – Тарихта без эзлебез” бәйрәменең зона этабы нәтиҗәләре буенча Апас районыннан Мөхәммәтшиннар гаиләсе җиңү яулады, Яшел Үзәннән Шәмгуновлар икенче булды, өченче – Чүпрәле райо­ныннан Таҗетдиновлар. 

Шәҗәрә бәйрәме ике этапта: зона һәм респуб­лика күләмендә уза. Зона этабында җиңүчеләр рес­публика этабында катнашачак. Бәйрәм ел саен үткәреләчәк, 2020 елдан респуб­лика этабы 15 майга Халыкара гаилә көненә планлаштырылган. Оештыручы – Татарстан Респуб­ликасының архив эш­ләре буенча Дәүләт ­комитеты.