Килдеш укучылар «Кыргый хайваннар өчен җимлекләр урнаштыру һәм аларны тукландыру» акциясендә катнаштылар

(Тәтеш, 13,октябрь, “Тәтеш таңнары”). Килдеш урта мәктәбе укучылары ел саен Татарстан Республикасының Дәүләт комитеты тарафыннан уздырыла торган Биологик ресурслар буенча «Кыргый хайваннар өчен җимлекләр урнаштыру һәм аларны тукландыру» акциясендә актив катнаштылар.

Балалар олылар белән бергәләп җимлекләр куйдылар һәм аларны печән белән тутырдылар. Укучылар һәм укытучылар ГПКЗ«Долгая Поляна» тыюлыгы башлыгы Савельев Е.Н. тарафыннан грамоталар белән бүләкләнделәр.