Олы Тарханда «Үзебезнекеләр өчен җылылык» акциясе узды

Олы Тархан авылы мәдәният йортында «Үзебезнекеләр өчен җылылык» акциясе уздырылган.

Авылның мәдәният йорты хезмәткәрләре киң күңелле авылдашлары белән бергә махсус хәрби операциядә катнашучылар өчен җылы билбаулар теккәннәр. Окопларда һәм ачык урыннарда хезмәт итүче сугышчылар өчен җылы билбауларның әһәмияте аеруча зур. «Безнең кечкенә ярдәмебез аларны салкыннарда җылытсын һәм Җиңүне якынайтсын. Бергә Җиңү өчен мөмкин булганча ярдәм итәрбез», – диләр хатын-кыз волонтерлар.

Безнең сугышчыларны, һичшиксез, билбаулар гына түгел, аларны эшләүчеләрнең кул һәм йөрәк җылысы да җылытачак.

фотоны Олы Тархан авылы мәдәният йорты тәкъдим итте