Олы Тормыда Нәүруз бәйрәме булган

Олы Тормы мәдәният йортында Нәүруз бәйрәме булган.

- Бәйрәм балаларның шигырьләр сөйләп, җырлар җырлап авыл урамында әйбер җыеп йорүләреннән башланып китте, мәдәният йорты каршындагы мәйданда дәвам итте.

Мәдәният йорты хезмәткәрләре белән китапханә мөдире килгән кунаклар өчен уенлы-җырлы бәйрәм концерты әзерләгән иде: кызыклы уеннар, табышмаклар, матур җырлар, балаларның көлүе белән мәдәният йорты тирәсе гөрләп торды. Нәуруз кызы белән Кыш бабай да көч сынашты.

Балалар ярдәме белән Нәүрүзбикә җиңеп чыкты.

Бәйрәм ахырында һәр килгән кунак карга боткасы белән сыйланды, кайнар коймаклар белән, авылдашларыбыз биргән күчтәнәчләр белән чәй эчте, - дип уртаклаша олытормылылар.