Өстәмә акчалар индексацияләнәчәк

2025 елның 1 гыйнварыннан Россия Социаль фондының Татарстан Рес­публикасы буенча бүлеге әлеге гражданнарның пенсияләренә 1 200 сум өстәмә түләү билгелә­ячәк. Өстәмә акча ел саен пенсия белән бергә индексацияләнәчәк. Шулай итеп, ярдәм чарасы үзе сакланып калса,  әлеге түләүне ел саен арттыру бурычы гамәлгә ­ашырылачак.

– Бүген I төркем инвалидларны яки 80 яшькә җиткән пенсионерларны караучы татарстанлылар 1 200 сум күләмендә түләүләр ала. Түләүләр караучының гаризасы буенча, караучының язмача раславы булганда билгеләнә. Акча карауга мохтаҗ кешенең пенсиясе белән бергә исәпләнә, – дип билгеләп үтә РСФның Тәтеш районында клиентларга хезмәт күрсәтү бүлеге (бүлек хокукларында) җитәкчесе Ирина Большакова. – Киләсе елдан компенсацияләрне шушы кагыйдәләр буенча билгеләү һәм түләү башкарылмаячак. Моның урынына РСФның Татарстан Рес­публикасы буенча бүлеге I төркем инвалид булган яки 80 яшькә җиткән барлык гражданнарның пенсияләренә 1 200 сум күләмендә өстәмә ак­ча билгеләячәк. Пен­сио­­­нерларның үзләренә мо­ның өчен беркая да мөрәҗәгать итәргә кирәк түгел. Балачактан I төркем инвалидны (балачактан I төркем инвалидларны караучы ата-аналардан һәм попечительләрдән тыш) башка кешеләрнең каравы буенча бирелә торган 1 200 сум күләмендәге түләү дә шундый ук рәвештә үзгәртеләчәк. Исегезгә төшерәм, бу түләү, ата-аналардан тыш, эшләмәүче хезмәткә яраклы гражданнарга ­каралган. 

Ул 2025 елның 1 гыйнварыннан балачактан I группа инвалидның пенсиясенә өстәмә буларак кушылачак. Балачактан I төркем инвалидларны караучы ата-аналарга һәм опекуннарга 2025 елның 1 гыйнварына ка­дәр билгеләнгән 10 мең сум күләмендәге түләүләр сак­ланачак, үзгәрешләр аларга кагылмый, ә инвалид балаларга карата мондый түләүләр бирүнең элеккеге тәртибе саклана. 2025 елның 1 гыйнварыннан Татарстан социаль фонды бүлеге хезмәткәрләре кайгыртучанлык таләп ителә торган гражданин ала торган пенсия­гә, иминият яки дәүләт пенсия тәэминаты (шул исәп­тән социаль) буенча пенсиягә өстәмә түләүләр рәсмиләштерәчәк. Иминият пенсиясенә яки дәүләт пенсия тәэми­наты буенча пенсиягә бер­­кетел­гән түләүгә 1 200 сум өстәләчәк. Әгәр ке­­ше ике пенсия ала икән, РСФның Татарстан Рес­публикасы буенча  бүле­ге аларның берсенә өстәмә түләү билгеләргә тиеш. Өстәмә түләүләр пенсияләр белән бергә, шул ук вакытларда һәм пенсияләр ­тәртибен­дә индексацияләнәчәк. Чит кеше каравына мох­таҗ өлкән яшьтәге граждан­нарны ­караучылар өчен түләүләр  бил­­ге­ләнгән вакытлар тә­мам­ланганчыга кадәр дәвам итә­чәк. Киләсе елдан әле­ге ка­тегория өчен яңа тү­ләүләр фонд тарафыннан билгеләнмәячәк.

фото: Татар-информ